La chasa da scoula dal s-chalin ot es gnüda fabrichada dal 2023-24 sco annex nouv - colliada culla chasa da scoula existenta. L'edifizi da lain spordscha differentas stanzas modernas per l'instrucziun da las classas realas e secundaras. Tuot ils locals sun accessibels eir per persunas cun impedimaint. La stanza da MINT po gnir douvrada eir da las classas primaras. La scoula Valsot funcziuna tenor il model B, quai voul dir cha’ls roms aritmetica ed algebra, rumantsch, tudais-ch ed inglais sun roms principals e vegnan instruits separadamaing in reala ed in secundara. Ils roms laterals vegnan instruits in möd cooperativ tanter la reala e la secundara.